Самарқанднинг бугуни ва эртасига бефарқ эмасмисиз? Самарқанд яна ҳам обод, кўркам, чин маънода ер юзининг сайқали бўлишини истайсизми? Унда ушбу сайт орқали ўз фикрингиз, ташаббус ва ғояларингизни билдиринг. Балки, сизни вилоятимиз ҳаёти билан боғлиқ бирор муаммо, нуқсон, камчилик ташвишлантирар. Ҳеч иккиланмай ёзиб юборинг, масалага биргаликда ечим топамиз! Унутманг, жамоатчилик назоратисиз ҳеч бир соҳа ва тармоқда кутилганидек, халқни рози қиладиган ўзгариш қилиш қийин. Шунинг учун ҳаммамиз биргалашиб юрт равнақига ҳисса қўшайлик, муаммоларни биргаликда ҳал қилайлик. Самарқандни шу заминда яшовчи, уни севувчи, эртасига бефарқ бўлмаган кишилар ривожлантиради.
Сиз бизнинг сафимиздамисиз?
Ҳар бир таклиф, мулоҳаза ва мурожаатлар вилоят ҳокимлиги назорати остида кўриб чиқилади!
Йўллаган таклиф, мулоҳаза ёки мурожаатингиз электрон тизимда рўйхатга олинади
Масъул ижрочи ижрога қабул қилиб, Сиз билан боғланади ва ижрога киришади
Қўйилган масала ечилгандан сўнг бизнинг, яъни, вилоят ҳокимлиги масъуллари Сиз билан қўнғироқ қилиб, натижасини текширишади. Ҳар бир мурожаат унинг муаллифи розилиги билан назоратдан чиқарилади
